Envestisman ayisyen ak etranje : Se motè yon devlopman dirab…
Envesti an Ayiti se yon tèm tou nèf nan langay diplomatik chanselri Ayiti a. Pafwa gen moun ki konn poze kesyon sou sa. Premye minis lan, Ekselans Mesye Laurent Lamothe, nan prezantasyon politik jeneral li anndan Paleman an , te defini nouvo tèm sa a ak tout sa ki fè fös li epi li te demontre nesesite li. Nou ap mande moun ki vle, si yo pa te ko fè sa, pou yo konsilte dokiman Premye minis lan sou dosye sa a. Petèt, li ta menm bon, menm si se rapidman, pou nou bay kèk enfòmasyon sou nosyon sa a, ki se yon sous lespwa nan moman difisil jounen jodi a.
Lè nou sonje pa gen yon nasyon ki kab viv pou kont li, tout peyi dwe voye reprezantan ofisyèl yo, toupatou, kote kondisyon estratejik sou plan jewografik, politik oubyen ekonomik ekzije li fè sa. Konsa, Ayiti genyen anbasad, konsila jeneral, oubyen onorifik nan peyi kote ki gen anpil Ayisyen epi kote enterè politik, ekonomik epi komèsyal yo ekzije sa.
Sepandan, diplomasi reprezantasyon an, menm lè li itil, pa kab rann tout kalite sèvis. Alaverite, li genyen sa ki bon ladan. Ayiti benefisye anpil ladan yo : èd rapid kominote entènasyonal nan divès domèn- esansyèl nan lavi nasyonal la , rann nou anpil sèvis nan anpil sikonstans. Epi, nou di peyi ki zanmi nou yo mèsi pou solidarite yo ak jenewozite yo. Jounen jodi a, pou sa ki ap pase anndan peyi a, nou dwe genyen yon diplomasi dinamik, aktif, ki ale nan sans pwogrè ak devlopman dirab peyi Ayiti.
Daprè noumenm, konsèp diplomasi ki baze sou biznis lan demontre, plizoumwen, nou pa vle chita ap tann èd entènasyonal sèlman. Prensipal objektif diplomasi baze sou biznis lan : se chèche, san rete, envestisman nan peyi etranje pou peyi nou. Sa ki pi bon an, sèke mouvman rekonstriksyon ak refondasyon peyi a ofri okazyon an …
Travay misyon diplomatik nou yo, san neglije natirèlman responsbllite yo genyen pou konsève epi ranfòse, lè li nesesè, lyen amitye ak kowoperasyon nou genyen ak peyi zanmi nou yo, se pou fè envestisè ki nan peyi etranje yo wè Ayiti se yon peyi kote moun ap travay epi ki kab ba yo anpil avantaj : travayè kalifye; salè konkiransyèl; rapidite pou tabli pwojè yo, paske gen lalwa ki fasilite yo sa; avantaj fiskal; epi pi plis toujou.
Nou fenk sot li, sou sit anbasad Ayiti a nan Kanada, tout sa ki esansyèl, daprè nou, nan diplomasi ki tabli sou biznis, gouvènman Ayiti ap prezante toupatou a. Bò kote pa li, misyon an ap kontinye fè travay pwomosyon an, nan kontak li yo avèk tout enstitisyon ki kalifye pou sa nan divès pwovens Kanada yo.
Se sa ki fè, pa gen lontan, yon delegasyon moun ki nan biznis nan Kebèk te ale Pòtoprens avèk Konsil jeneral Ayiti ki Monreyal la, Me Justin Viard. Pandanstan, nan nivo federal , yon misyon ki soti Kanada, avèk envestisè kanadyen, pral vizite Ayiti, anvan yo rive, oka yo ta bezwen li, Anbasadè Ayiti, nan Kanada a, Mesye Frantz Liautaud ap deja la ap tann yo.
Pou plis enfòmasyon
Ministè Agrikilti ak Resous Natirèl
Sant fasilitasyon envestisman yo SFE-AYITI
Administrasyon Jeneral Ladwann